తేడా ఎముంది, తీరు మారిందే తప్ప ?

పొట్ట నింపుకోడానికి తనని తరిమిన ఒక ఆరాటం,
పగబట్టిన ప్రకృతితో దిన దినమూ పోరాటం,
ఆపలేక ఓపలేక ఊగిసలాడిన మనిషికి,
బ్రతకగలగడమే నాడు గెలుపంటే అర్ధం.

ఆశల ఎండమావులకై ఆపక పరిగెడుతున్న వాటం,
తనే పొగబెట్టిన ప్రకృతితో ప్రతి నిత్యం పోరాటం,
తగదనో తప్పదనో తేల్చుకోలేని మనిషికి,
గెలవగలగడమే నేడు బ్రతుకుకి పరమార్ధం.

తేడా ఎముంది, తీరు మారిందే తప్ప ?