9/10/10

అంతర్ముఖం

నిశబ్ద జలపాతపు
ఎడతెగని హోరు
నన్నా వైపుగా ఈడ్చుకెళ్ళింది,
ఎందుకైతేనేం !

కొన్ని లిప్తల
అస్తమయంలో
అంతులేని ప్రశాంతత
అనుభవించేలోపే
తటాలుమని ఓ తలపు

వేయి ముక్కలై
అక్కడక్కడే తచ్చాడి
తిరిగి మౌనంలోకి
జారిపోజూస్తాను

ఆలసిపోతూ
ఓ అనుభవాన్నై
ఆగిపోయినపుడు అక్షరాన్నై,
కరిగిపోయే కాలపు
కొవ్వొత్తి అడుగున
మైనపు చుక్కనై
మిగులుతాను !

5 comments:

చందు said...

,
వినాయక చవితి శుభాకాంక్షలు.

SRRao said...

మీకు, మీ కుటుంబానికి
వినాయక చతుర్థి మరియు రంజాన్ శుభాకాంక్షలు

SRRao

శిరాకదంబం

భాస్కర రామిరెడ్డి said...

వేమన గారూ..., హృదయపూర్వక వినాయక చతుర్థి శుభాకాంక్షలు!

హారం

Bolloju Baba said...

గూడ్ పొయెమ్

Afsar said...

మంచి విసురు వుంది మీ శైలిలో!మరీ ముఖ్యంగా ఇలాంటి పంక్తులలో...

కొన్ని లిప్తల
అస్తమయంలో
అంతులేని ప్రశాంతత
అనుభవించేలోపే
తటాలుమని ఓ తలపు